Vend-ndodhja
Qendra e kompanisë Euro Pact ndodhet në Tuz, 10 km nga Podgorica, kryeqyteti i Malit të Zi. Gjendet pranë rrugës ndërkombëtare Podgoricë-Bozhaj-Shkodër, është 5 km larg nga aeroporti i Podgoricës, disa kilometra larg liqenit të Shkodrës, 30 km nga deti dhe 40 km nga Porti i Tivarit. Në përbërjen e kësaj godine madhështore, të vendosur në një sipërfaqe prej 5000 m2, pranë zyrave të punës dhe sallës së mbledhjeve, ndodhen edhe puntoritë e specializuara për mirëmbajtjen e makinave, magazina më bashkëkohore me të gjitha rregullësitë, e përgatitur për magazinimin e mallit më të ndjeshëm, me një madhësi 400 m2, restoranti për miqtë e kompanisë dhe për të punësuarit, apartamenti për partnerët afaristë dhe parkingu për makinat personale dhe të ndërmarrjes.